AZ | EN | RU

QEYDİYYAT

Bakı Beynəlxalq Humanitar Forumunun işində iştrak etmək üçün qeydiyyat prosedurasından keçməlisniz. Bunun üçün aşağıdakı bölmədən "Qeydiyyat Forması"-nı yükləyin, əl yazısı ilə və ya elektron olaraq daxil edin. Bütün məlumatı internet vasitəsi ilə [email protected] elektron ünvanına və ya faks ilə (+994) 12 437 19 23 nömrəsinə göndərin.

Bundan əlavə Siz həmçinin JPG formatda fotoşəkil və qısa tərcümeyi-hal göndərməlisiniz. Göndərilən məlumatlar Forum üçün iştirakçılar haqqında əsas məlumatları və dəyirmi masalarda toxunulacaq problemlərin geniş səciyyəsini özündə əks etdirən xüsusi nəşrdə istifadə olunacaqdır.

Vizanın alınmasına dair məlumat
Bakı Beynəlxalq Humanitar Forumuna dəvət olunmuş iştirakçılar Azərbaycan Respublikasına səfər etmək üçün viza rəsmiləşdirməsindən ehtiyac duyurlarsa, Azərbaycan Respublikasının xarici ölkələrdəki Səfirlikləri və Konsulluqlarına müraciət edib əldə edə bilərlər.

Əlavə məlumatı Xarici İşlər Nazirliyinin rəsmi veb səhifəsindən əldə etmək olar.

Branka Qabriela Valentiç: Bu qədər nüfuzlu simanın bir məkana toplanması olduqca əhəmiyyətli hadisədir

Bakı, 7 oktyabr (AzərTAc). Dördüncü Bakı Beynəlxalq Humanitar Forumu nüfuzlu ədəbiyyat, incəsənət, elm və mətbuat nümayəndələrini bir məkana toplayan əhəmiyyətli hadisədir. Belə bir mühüm tədbirdə iştirak etdiyim üçün qürur duyuram.
Bu sözləri Forumun iştirakçısı, Xorvatiyanın “Hina” xəbər agentliyinin direktoru xanım Branka Qabriela Valentiç AzərTAc-a müsahibəsində söyləyib.
Forumun yüksək səviyyədə təşkil olunduğunu qeyd edən B.Valentiç Bakının zənginliyi və heyranedici gözəlliyindən məftun olduğunu vurğulayıb.
“Ölkənizin gözəlliyi məni olduqca məftun edib. Burada turizmin inkişafı üçün hər cür şərait var. Şəhərinizdə turistləri cəlb etmək üçün görməli yerlər həddindən artıq çoxdur”, - deyə “Hina” agentliyinin direktoru bildirib.