AZ | EN | RU

QEYDİYYAT

Bakı Beynəlxalq Humanitar Forumunun işində iştrak etmək üçün qeydiyyat prosedurasından keçməlisniz. Bunun üçün aşağıdakı bölmədən "Qeydiyyat Forması"-nı yükləyin, əl yazısı ilə və ya elektron olaraq daxil edin. Bütün məlumatı internet vasitəsi ilə [email protected] elektron ünvanına və ya faks ilə (+994) 12 437 19 23 nömrəsinə göndərin.

Bundan əlavə Siz həmçinin JPG formatda fotoşəkil və qısa tərcümeyi-hal göndərməlisiniz. Göndərilən məlumatlar Forum üçün iştirakçılar haqqında əsas məlumatları və dəyirmi masalarda toxunulacaq problemlərin geniş səciyyəsini özündə əks etdirən xüsusi nəşrdə istifadə olunacaqdır.

Vizanın alınmasına dair məlumat
Bakı Beynəlxalq Humanitar Forumuna dəvət olunmuş iştirakçılar Azərbaycan Respublikasına səfər etmək üçün viza rəsmiləşdirməsindən ehtiyac duyurlarsa, Azərbaycan Respublikasının xarici ölkələrdəki Səfirlikləri və Konsulluqlarına müraciət edib əldə edə bilərlər.

Əlavə məlumatı Xarici İşlər Nazirliyinin rəsmi veb səhifəsindən əldə etmək olar.

Ayman Eraky: Humanitar Forum Azərbaycanın tolerantlıq modelinin dünyaya təqdim olunması baxımından xüsusi əhəmiyyətə malikdir

Bakı, 26 oktyabr, AZƏRTAC

Bakı Beynəlxalq Humanitar Forumunu Azərbaycan tərəfindən irəli sürülmüş yaxşı təşəbbüs kimi dəyərləndirirəm. Forumun Bakıda keçirilməsi Azərbaycanın tolerantlıq modelinin dünyaya təqdim olunması baxımından xüsusi əhəmiyyət kəsb edib.
Bu sözləri AZƏRTAC-a müsahibəsində VI Bakı Beynəlxalq Humanitar Forumunun iştirakçısı Misirin Yaxın Şərq Xəbər Agentliyinin (MENA) böyük redaktoru Ayman Eraky deyib.
“Prezident İlham Əliyevin Forumun açılışında söylədiyi nitqi çox maraqla dinlədim. Bir iştirakçı olaraq xüsusilə Azərbaycandakı iqtisadi inkişaf, tolerantlıq barədə maraqlı məlumatlar əldə etdim. Forumun Bakıda keçirilməsi Azərbaycanın tolerantlıq modelinin dünyaya təqdim olunması baxımından xüsusi əhəmiyyət kəsb edir. Azərbaycan vətəndaşları tolerantlıq şəraitində yaşayırlar. Forumun əhəmiyyətinə gəlincə, bu, təkcə Azərbaycan üçün deyil, bütün dünya üçün vacib tədbirdir. Burada çox önəmli mövzular müzakirə olundu”, - deyə Ayman Eraky söyləyib.